Möbius

Ərinin davamlı xəyanətləri bir qadının qəlbində dərin nifrət və qisas hissi yaradır. Həyat yoldaşını qonşu dükanın satıcısı ilə avtomobildə görən qadın öz hisslərini idarə edə bilmir. Həmin gecə əlinə bıçaq götürərək yatan ərinin otağına daxil olur, lakin kişi vaxtında oyanaraq onu oradan uzaqlaşdırmağı bacarır.

Qəzəbi soyumayan qadın bu dəfə yeniyetmə oğlunun otağına tərəf yönəlir. O, ərindən ala bilmədiyi qisası günahsız övladından çıxaraq uşağa ağır xəsarət yetirir. Baş verən bu dəhşətli hadisə ailənin sonrakı taleyini dözülməz nöqtəyə gətirib çıxarır.

«Möbius» dram filmi 2013-cü ildə Cənubi Koreyada rejissor Kim Ki-duk tərəfindən lentə alınıb. Baş rolları Kim Cae-rok, Kim Cae-hon, Li Na-ra və So Yon-cu canlandırıblar.