Elsewhere

Gənc dul kişi Bruno həyat yoldaşını itirdikdən sonra onunla birgə dəniz sahilində tikdiyi evdən də məhrum olur. Rəhmətə getmiş qadının qohumları Brunonu küçəyə atanda, o, sevgisinin ən dəyərli xatirəsini nəyin bahasına olursa-olsun geri qaytarmağa qərar verir.

Evə yeni kirayəçi olan Meri köçür. Fürsətdən istifadə edən keçmiş ev sahibi özünü sadə bir usta kimi təqdim edir və gizli planını həyata keçirməyə başlayır. Lakin qurduğu bu mürəkkəb oyun getdikcə gözlənilməz istiqamət alır, qəhrəmanın dünyaya baxışını və taleyini büsbütün dəyişir.

«Elsewhere» komediya-dram filmi 2018-ci ildə ABŞ-da lentə alınıb və rejissoru Ernan Ximenesdir. Filmin əsas rollarını Pola Şou, Mark Bendavid, Elizabet Vaynşteyn və Kəndas Çörçill canlandırıb.