Alt paltarı

Qatar maşinisti Nurlan hər gün eyni marşrutla hərəkət edir. Dəmir yolunun təhlükəli hissələrindən biri birbaşa məhəllə həyətlərinin içindən keçir. Burada sakinlər vaxtlarını relslərin üstündə keçirirlər: kişilər nərd oynayır, uşaqlar top qovur, qadınlar isə paltarları düz yolun üzərindəki iplərdən asırlar. Yaxınlaşan qatar barədə fitlə xəbərdarlıq edilsə də, vaqonlara tez-tez sakinlərin əşyaları ilişib qalır və Nurlan onları hər dəfə sahiblərinə qaytarır.

Bir gün qatara qadın alt paltarı ilişir. Nurlan adəti üzrə bu əşyanın da sahibini tapmaq qərarına gəlir və qapı-qapı gəzməyə başlayır. Lakin baş çəkdiyi qadınların hər biri həm tapılmış alt paltarını, həm də Nurlanın özünü saxlamağa çalışır.

«The Bra» komediya-dram filmi 2018-ci ildə rejissor Fayt Helmer tərəfindən çəkilib. Almaniya və Azərbaycanın birgə istehsalı olan bu ekran əsərində Paz Veqa, Deni Lavan, Boryana Manoylova və Mətanət Atakişiyeva kimi aktyorlar rol alıb.