Sənin üçün SMS

Sevgilisini itirən Klara artıq iki ildir ki, kədər içində yaşayır və bu dərdi unuda bilmir. Təsəlli tapmaq istəyən gənc qadın həyatını itirmiş sevgilisinin köhnə telefon nömrəsinə hisslərini ifadə edən romantik ismarışlar göndərməyə davam edir.

Lakin o bilmir ki, həmin nömrə çoxdan başqa bir şəxsə, jurnalist Marka verilib. Gələn səmimi mesajlardan dərindən təsirlənən Mark qəlbinə toxunan bu naməlum xanımı tapmaq qərarına gəlir və dostunun köməyi ilə onun axtarışına başlayır.

2016-cı il istehsalı olan «Sənin üçün SMS» (SMS für Dich) Almaniya istehsalı dram və romantik komediya filmidir. Ekran əsərinin rejissoru Karolina Herfurt olub, əsas obrazları isə Fridrix Müke, Tom Bek, Kordula Ştratman və Uve Proyss canlandırıblar.