Dayazlıq

Gənc sörfinq həvəskarı sakit və kimsəsiz bir sahilə üz tutur. Məqsədi insanlardan uzaqda təkbaşına dalğaları fəth etməkdir. Gözəl hava və açıq okean əla şərait yaratsa da, suyun dərinliklərində gizlənən təhlükə bu planı pozur.

Qız nəhəng bir köpəkbalığı ilə qarşılaşdıqdan sonra sudan çıxmağa çalışır. Yırtıcının hücumundan qaçaraq sahildən uzaqda yerləşən kiçik bir qum dayazlığına sığınmağa məcbur qalır. Ətrafında dövrə vuran və geri çəkilmək istəməyən dəniz canavarı onu quruya buraxmır.

ABŞ istehsalı olan «The Shallows» triller və dəhşət filmi 2016-cı ildə ekranlara çıxıb. Rejissoru Jaume Collet-Serra olan layihədə əsas rolları Blake Lively, Oscar Jaenada, Sedona Legge və Pablo Calva canlandırıblar.