Akron

Ohayo ştatındakı Akron Universitetinin birinci kurs tələbələri Benni və Kristofer həvəskar futbol oyunu zamanı tanış olurlar. Gənclərin ünsiyyəti tezliklə qarşılıqlı romantik hisslərə çevrilir. Hər iki ailə bu münasibəti əvvəlcə mehribanlıqla və anlayışla qarşılayır.

Lakin sevgililər tezliklə ailələrini birləşdirən kədərli keçmişdən xəbər tuturlar. İllər öncə supermarketin qarşısında Kristoferin anası avtomobili sürərkən ehtiyatsızlıqdan Benninin kiçik qardaşının ölümünə səbəb olmuşdu. Ortaya çıxan bu acı həqiqət gənclərin münasibətlərində ciddi çətinliklər yaradır.

ABŞ istehsalı olan «Akron» filmi 2015-ci ildə ekranlara çıxıb. Melodram janrındakı bu ekran işinin rejissorları Brayan O'Donnell və Saşa Kinqdir, əsas rolları isə Edmund Donovan, Andrea Barns, Emi Da Luz və İzabel Rouz Maçado canlandırıblar.