Şahzadələrin mübadiləsi

1721-ci ildə Fransa regenti Filipp Orleanlı illərlə davam edən müharibələrdən sonra İspaniya ilə barışıq əldə etmək üçün addım atır. Taxtın varisi olan on bir yaşlı XV Lüdovikin tezliklə hakimiyyətə gələcəyi gözlənilir. Sülhü qorumaq məqsədilə iki dövlət arasında gənc şahzadələrin dəyişdirilməsi qərara alınır.

Regentin on iki yaşlı qızı İspaniya taxtının vəliəhdinə ərə verilir, gənc Lüdovik isə dörd yaşlı ispan infantası Anna Mariya Viktoriya ilə nişanlanır. Siyasətin qurbanı olan və saray həyatına tez daxil edilən bu uşaqların addımları gözlənilməz hərəkətlərə yol açır.

«L'échange des princesses» tarixi dram filmi rejissor Mark Dügen tərəfindən çəkilib. 2017-ci il istehsalı olan layihə Fransa, Belçika və Böyük Britaniyanın ortaq işidir. Əsas obrazları Tibo Niv, Patrik Dekamp, Kristof Lambert və Pedro Kabanas canlandırıb.