Elvis və Nikson

Rok-n-rol əfsanəsi Elvis Presli ölkədə sosializmin və narkotiklərin yayılmasından narahat olaraq ABŞ rəhbərliyinə müraciət etmək qərarına gəlir. O, narkotiklərlə mübarizə üzrə xüsusi xidmət orqanlarının gizli agenti vəzifəsinə təyin olunmaq istəyir.

Prezident Riçard Nikson Ağ Evin Oval kabinetində məşhur sənətçi ilə görüş təşkil etməyə razılıq verir. Lakin dövlət rəsmilərinin səylərinə baxmayaraq, Preslini qəbul edilmiş ciddi protokol və qaydalara tabe etmək mümkün olmur.

2016-cı ildə ekranlara çıxan «Elvis & Nixon» filmi ABŞ və Kanada tərəfindən birgə istehsal edilib. Tarixi komediya və dram janrındakı ekran əsərinin rejissoru Liza Consondur, əsas rollarda isə Kevin Speysi, Natali Lav, Markus Layl Braun və Riçi Montqomeri çəkilib.