Kadr arxası həyat

Kino çəkiliş qrupu növbəti layihəni az xərclə və sürətlə tamamlamaq məqsədilə Köhnə Dəyirman adlı sakit bir əyalət şəhərciyinə üz tutur. Ssenariyə əsasən əsas hadisələr qədim su dəyirmanının fonunda cərəyan etməlidir. Lakin çəkiliş meydançasına çatdıqda məlum olur ki, həmin tikili çoxdan yanıb külə dönüb.

Məkan axtarışı ilə bağlı çətinliklər hələ başlanğıcdır. Baş rol ifaçısı azyaşlı qızlara olan zəifliyinə görə diqqətini işə cəmləyə bilmir, erotik səhnələrin aktrisası soyunmaqdan imtina edir, ssenarist isə yazı makinasını itirir. Çıxılmaz vəziyyətə düşən qonaqların köməyinə yerli sakinlərin sadəlövhlüyü və xeyirxahlığı çatır.

«State and Main» («Kadr arxası həyat») komediya filmi amerikalı rejissor Devid Memet tərəfindən lentə alınıb. 2000-ci il ABŞ istehsalı olan bu ekran əsərində baş rolları Uilyam H. Meysi, Culiya Staylz, Maykl Hiqqins və Maykl Bredşou canlandırıblar.