Səfil itlər

Həyat yoldaşından ayrılan ata yeniyetmə oğlu və azyaşlı qızı ilə birlikdə qalır. Bu ailə su və elektrik xətti olmayan sığınacaqda gecələyir və eyni yatağı bölüşür. Onlar gündəlik təmizlik ehtiyaclarını ictimai tualetlərdə qarşılayır, yeməklərini isə küçədə birdəfəlik qablardan yeyirlər.

Şəhər mühitində sığınacaq axtaran ailənin gündəlik həyatı sağ qalmaq cəhdlərindən ibarətdir. Onların ətrafında dolaşan sahibsiz itlər də eyni cür aclıq və baxımsızlıq içində gün keçirir. İnsanlarla küçə heyvanlarının payına düşən acı reallıq bir-birinə bənzəyir.

«Səfil itlər» dram filmi rejissor Tsay Minlyan tərəfindən çəkilib. Fransa və Tayvanın birgə istehsalı olan bu ekran əsəri 2013-cü ildə təqdim edilib. Əsas rollarda Li Kanşen, Li İçen, Li İtsze və U Tszinkay çəkiliblər.