Məsumlar

1945-ci ilin qışında Polşada fəaliyyət göstərən Fransa Qırmızı Xaç heyəti sağ qalmış vətəndaşların evə qayıtmasına kömək edir. Xəstəxanada çalışan gənc həkim Matilda Bolyönün yanına qonşu monastırdan bir rahibə gələrək ölüm ayağında olan birinə yardım diləyir. Hadisə yerinə yetişən Matilda kilsə sakinlərindən birinin doğuş ərəfəsində olduğunu görür.

Monastır rəhbərliyi qalmaqalın qarşısını almaq üçün bu sirri hər vəchlə gizlətməyə çalışır və gənc həkimə şübhə ilə yanaşır. Qapalı və yad mühitə daxil olan Matilda bacı Mariya ilə yaxınlaşır. Onlar birlikdə bu divarlar arxasında gizlənən kədərli həqiqətlərlə üz-üzə qalırlar.

«Məsumlar» tarixi dram filmi rejissor Ann Fonten tərəfindən ekranlaşdırılıb. Polşa, Fransa və Belçikanın birgə istehsalı olan bu ekran əsəri 2016-cı ildə işıq üzü görüb. Əsas rolları Katajina Skolimovska, Helena Suyetska, Artur Yanusyak və Ann Korjenetska canlandırıblar.