45 il

Keyt və Ceff Merker cütlüyü evliliklərinin qırx beşinci ildönümünü qeyd etməyə hazırlaşır. Uzun illər bir yerdə yaşayan ər-arvad bir-birini hər tərəfli tanıdıqlarına əmindirlər. Lakin böyük şənliyə cəmi bir həftə qalmış gələn gözlənilməz xəbər bu sakitliyi pozur.

Ceff keçmişdə, Keytlə tanış olmazdan əvvəl sevdiyi qadın barədə məktub alır. Həmin qadın vaxtilə İsveçrə Alplarında gəzinti zamanı qayadan yıxılaraq həyatını itirmişdi. İndi isə buzlaqlar arasında onun cəsədinin tapıldığı bildirilir və bu qəfil xəbər illər sonra ailənin astanasına gəlir.

2015-ci il istehsalı olan «45 il» adlı Böyük Britaniya dram filminin rejissoru Endrü Heydir. Ekran əsərində əsas rolları Şarlotta Remplinq, Ceraldin Ceyms, Mişel Finç və Riçard Kanninqem canlandırıblar.