A Safari Romance

Afrikada vəhşi təbiətin mühafizəsi sahəsində çalışan bioloq qadın vaxtını yerli heyvanlar aləmini qorumağa həsr edir. Günlərin bir günü onun yolu qitəyə fərqli bir məqsədlə gəlmiş əyləncə parkı dizayneri ilə kəsişir.

Mütəxəssis yeni və genişmiqyaslı safari attraksionu qurmaq niyyətindədir. Təbii mühitin toxunulmazlığı ilə kommersiya planları arasında tarazlıq axtaran bu iki fərqli insan ortaq məxrəcə gəlmək məcburiyyətində qalır və bu təcrübə onları bir-birinə yaxınlaşdırır.

ABŞ, Kanada və CAR istehsalı olan «A Safari Romance» romantik komediya filmi 2023-cü ildə işıq üzü görüb. Rejissor kürsüsündə Leyf Bristounun əyləşdiyi ekran əsərində rolları Şandor Larenti, Cina Şmukler, Ntati Moşeş və Rika Sennett canlandırır.