Çindən sevgilərlə

Fransua atası ilə düşdüyü sərt mübahisədən sonra on il ərzində doğma ailəsindən uzaq gəzir. Özünün asiyalı köklərini gizlədən gənc mənşəyi barədə suallardan qaçır, hətta ətrafındakılara övladlığa götürüldüyü barədə yalan danışır.

Tezliklə ata olacağını öyrənən Fransuanın baxışları dəyişir. Bu xəbərdən sonra o, keçmişi ilə üzləşmək, unudulmuş əlaqələri bərpa etmək və qohumlarının yanına qayıtmaq qərarına gəlir.

2019-cu il istehsalı olan «Made in China» filmi fransız dram və komediya janrlarını birləşdirir. Ekran işinin rejissoru Jülyen Abrahamdır, əsas obrazları isə Frederik Şo, Nikola Boker, Filipp Bertin və Şue Tien canlandırıblar.