Amador

Latın Amerikasından gələn mühacir Marsela ciddi maddi çətinliklərlə üzləşir. Vəziyyətdən çıxış yolu axtaran qadın yaşlı bir kişiyə baxıcılıq etmək üçün işə düzəlir. Bu iş sayəsində həyatını qaydaya salacağını və sabit gəlir əldə edəcəyini düşünür.

Lakin qısa müddət sonra qulluq etdiyi yaşlı kişi qəfil dünyasını dəyişir. Qazancını tamamilə itirmək təhlükəsi ilə qarşılaşan Marsela pulsuz qalmağa dözə bilməyəcəyini başa düşür və çətin addım atmaq məcburiyyətində qalır.

2010-cu ildə İspaniyada çəkilmiş dram janrlı «Amador» filminin rejissoru Fernando Leon de Aranoadır. Ekran əsərində baş rolları Maqali Solyer, Kristian Sampedro, Prissila Delqado və Alexandra Sulueta canlandırıblar.