Catfish

Nyu-Yorkda redaktor işləyən Nev azyaşlı bir rəssam qız və onun anası ilə tanış olduqdan sonra qızın böyük bacısı Meqanı sosial şəbəkədə dostluğuna əlavə edir. Qısa müddətdə internet üzərindən səmimi yazışma başlayır. Gəncin dostları olan iki rejissor isə bu virtual münasibətin inkişafını kameraya çəkmək qərarına gəlirlər.

Zamanla Nev qızla real həyatda görüşmək istəyir, lakin eyni zamanda Meqanın özünü təqdim etdiyi şəxs olmadığına dair şübhələr artır. Həqiqəti üzə çıxarmaq niyyətinə düşən üç dost gerçəkləri öz gözləri ilə görmək üçün səfərə çıxırlar.

ABŞ istehsalı olan «Catfish» sənədli filmi 2010-cu ildə rejissorlar Eriel Şulman və Henri Cust tərəfindən lentə alınıb. Layihədə Vendi Uelan, Melodi S. Roşer, Encela Uelsman-Pirs və Kreyq Holl kimi simalar iştirak edir.