İstedadlı

Frenk Adler Floridanın sahil şəhərciyində bacısı qızı Merini təkbaşına böyüdür. O, qızın hamı kimi adi məktəb mühitində böyüməsini və uşaqlığını yaşamasını arzulayır. Lakin balaca Merinin riyaziyyat sahəsindəki heyrətamiz bacarıqları tezliklə üzə çıxır.

Uşağın bu istedadından Frenkin anası Evelin xəbər tutanda vəziyyət dəyişir. Qızın nənəsi nəvəsinin gələcəyini tamam başqa cür görür və bu məqsədlə Merini Frenkdən ayırmağa, onu himayəsinə götürməyə çalışır. İki tərəf arasında qızın taleyi uğrunda mübarizə başlayır.

«Gifted» adlı dram filmi 2017-ci ildə ABŞ-da istehsal olunub. Ekran əsərinin quruluşçu rejissoru Mark Uebbidir. Baş rolları Kris Evans, Makkenna Qreys, Lindsi Dunkan və Oktaviya Spenser canlandırıblar.