Beş il və bir gün

Beşillik komadan sonra gözlərini açan Miroslava üçün keçmiş həyatının tamamilə dağıldığı məlum olur. Hamı onun yanğında həlak olduğunu düşünərək illər əvvəl dəfn mərasimi keçirib. Qayıdan qadın görür ki, əri artıq onun ən yaxın rəfiqəsi ilə yaşayır, altı yaşlı qızı Nastya isə bu yad qadına ana deyir.

Əri və keçmiş rəfiqəsi nə var-dövləti, nə də uşağı geri qaytarmaq niyyətindədir; onlar Miroslavanı tanımadıqlarını iddia edirlər. Qadının atası vəfat edib, qəzadan bir qədər əvvəl köçdüyü yeni şəhərdə isə ona kömək edəcək heç bir tanışı yoxdur. Pulsuz və arxasız qalan Miroslava hər çətinliyə sinə gərərək qızını geri almağa və həqiqi kimliyini bərpa etməyə çalışır.

Ukrayna istehsalı olan «Beş il və bir gün» dram filmi 2012-ci ildə ekranlara çıxıb. Ekran əsərinin rejissoru Boris Kvaşnyovdur, əsas rolları isə Alina Sergeyeva, Yuri Baturin, Yuliya Qalkina və Dmitri Surjikov canlandırıb.