Canavar ovu

Cozef ailəsi ilə birlikdə meşənin dərinliyində, gözdən uzaq bir evdə yaşayır. Həyat yoldaşı və on iki yaşlı qızı ilə gün keçirən ovçu heyvan dəriləri sataraq dolanır. Lakin son zamanlar bu çətin zəhmət ailənin xərclərini qarşılamağa yetmir.

Ərazidə hiyləgər bir canavarın peyda olması vəziyyəti daha da pisləşdirir. Yırtıcı qurulmuş tələləri dağıdaraq ovları aparır və ailəni qazancından məhrum edir. Çıxış yolu axtaran Cozef bu vəhşi ilə təkbətək qarşılaşmaq məqsədilə izinə düşür.

«Hunter Hunter» adlı triller filminin rejissoru Şon Lindendir. ABŞ və Kanada istehsalı olan bu dram 2020-ci ildə ekranlara çıxıb. Əsas rollarda Loren Kokreyn, Karl Tordarson, Nik Stal və Qebriel Deniels çəkiliblər.