Una relazione

Elis və Tommazo on beş il idi ki, bir yerdə ömür sürürdülər. Ətrafdakı hər kəs onların tezliklə ailə quracağını düşünsə də, cütlük tamam fərqli bir addım atır. Onlar qohum və dostlarını şam yeməyinə yığaraq münasibətlərinə nöqtə qoymaq qərarını bildirirlər.

Baş qəhrəmanlar heç bir inciklik, dava-dalaş və mübahisə olmadan mərhələli şəkildə ayrılmaq, sonda isə yaxın dost qalmaq fikrindədirlər. Yaxınları belə bir şeyin mümkünlüyünə inanmasalar da, Elis və Tommazo bunun reallaşa biləcəyini göstərməyə çalışırlar.

İtaliya və Fransa istehsalı olan «Una relazione» filmi rejissor Stefano Sardo tərəfindən lentə alınıb. 2021-ci ilin dram və komediya janrlı layihəsində Daniela Piperno, Quido Kaprino, Stefaniya De Santis və Alessandro Callokosta rol alıb.