Çempionların ürəyi

«Heart of Champions» adlı idman dramı 1999-cu ilin hadisələrindən bəhs edir. Universitetin akademik avarçəkmə komandasının rəhbərliyi Vyetnam müharibəsi veteranı olan yeni məşqçiyə həvalə olunur. Əvvəllər heç bir xüsusi uğuru ilə seçilməyən tələbələr bu təcrübəli hərbçinin gəlişi ilə tamam başqa bir hazırlıq rejiminə keçirlər.

Özünəməxsus təlim metodlarından istifadə edən məşqçi gənclərə heç vaxt təslim olmamaq əzmini aşılayır. Çətin məşq prosesi nəticəsində adi idmançılar bir araya gələrək əsl çempion heyətinə çevrilirlər.

2021-ci ildə ABŞ-da istehsal olunmuş bu filmin rejissoru Maykl Meylerdir. Əsas rolları Lens E. Nikols, Erik Knudsen, Tomas Kasproviç və Harrison Fişer canlandırıblar.