Normal Yeniyetmə Davranışı

Bir qrup yaxın dost yalnız bir-birləri ilə vaxt keçirməyə və ətraflarına heç kimi buraxmamağa söz verir. Onlar kənardakılardan uzaq durmaq və verdikləri qərarlara görə heç kimə cavab verməmək barədə razılaşırlar. Lakin şirkətin üzvlərindən birinin kənar bir insana aşiq olması bütün bu daxili qaydaları alt-üst edir.

Bu gözlənilməz hiss dostların lideri tərəfindən soyuq qarşılanır. Qrupun rəhbəri bildirir ki, onların birliyini tərk etməyə cəhd edən hər kəs düşmən sayılacaq və bunun əvəzini ödəyəcək. Beləliklə, gənclərin yaratdığı qapalı dünyada gərginlik və qarşıdurmalar başlayır.

«Normal Yeniyetmə Davranışı» (Normal Adolescent Behavior) adlı ABŞ istehsalı olan filmin rejissoru Bet Şakterdir. 2007-ci il dramında baş rolları Culiya Qarro, Darya Zabinski, Ellen Bekeo-Qrey və Stiven Kolletti canlandırıb.