Qabaqda bütöv bir həyat var

Seneqaldan olan on iki yaşlı yetim Momo hələ lap kiçik yaşlarında anasını itirib və indi dolanışığını küçələrdə xırda cinayətlərlə təmin edir. Həmin şəhərdə yaşayan ahıl madam Roza isə fahişələrin uşaqlarına baxmaqla məşğuldur. O, artıq neçə-neçə nəsli böyüdüb boya-başa çatdırdığı üçün yerli sakinlərin dərin hörmətini qazanıb.

Momonun qəyyumu olan həkim Koen yeniyetmənin güclü bir qadın tərbiyəsinə ehtiyacı olduğunu düşünür. Məhz buna görə də o, yeniyetməni bir neçə gün əvvəl küçədə qarət etdiyi elə həmin madam Rozanın yanına aparmaq və onun himayəsinə vermək qərarına gəlir.

«Qabaqda bütöv bir həyat var» adlı italyan dram filmi rejissor Edoardo Ponti tərəfindən çəkilib və 2020-ci ildə işıq üzü görüb. Ekran əsərində əsas rolları Abril Zamora, Anuar X. Şmayne, Françesko Kassano və Nikolya Valensano canlandırıblar.