Çat

Eva, Cim, Emili və Mo adlı yeniyetmələr internetdə vaxt keçirərkən yeni bir virtual otaqda Uilyamla tanış olurlar. Cazibədar və xoşxasiyyət görünən bu gənc qısa müddətdə hər kəsin etibarını qazanır. Yeniyetmələr onunla səmimi münasibət qurduqlarını zənn edirlər.

Əslində isə Uilyam yeni dostları ilə gizli bir psixoloji oyun aparır. O, antidepressant qəbul edən Cimə kömək etmək bəhanəsi ilə yaxınlaşır və onu dərmanlardan imtina etməyə razı salır. Dostluq maskası arxasında gizlənən gənc, addım-addım Cimi özünüməhvə doğru sürükləyir.

«Chatroom» filmi 2010-cu ildə Böyük Britaniyada çəkilib və triller janrındadır. Ekran əsərinin quruluşçu rejissoru Hideo Nakatadır. Baş rolları İmocen Puts, Deniel Kaluuya, Nikolas Qlivs və Meqan Dodds canlandırıblar.