Ağaclardakı oğlanlar

1997-ci ilin Hellouin gecəsində Kori, Canqo və onların skeytbordçu dostları şənlənmək üçün toplaşırlar. Yeniyetməlik illəri arxada qalsa da, gənclər böyüməyə tələsmirlər. Canqonun amansızcasına ələ saldığı uşaqlıq dostu Cona ilə təsadüfi qarşılaşma Korinin gecəsini tamamilə fərqli məcraya yönəldir.

Kori köhnə yoldaşına yazığı gəldiyi üçün onunla birlikdə boş şəhərətrafı küçələrdə gəzməyə razılaşır. Sakit başlayan bu yolçuluq qorxulu hekayələr və daxili təşvişlərlə zənginləşir. Söhbət əsnasında ortaq cəhətlərini yenidən kəşf edən dostlar Hellouin gecəsində gizli sirlərlə və gerçəyə çevrilən kabuslarla üzləşirlər.

Avstraliya istehsalı olan «Boys in the Trees» dramatik qorxu və triller filmi rejissor Nikolas Verso tərəfindən 2016-cı ildə çəkilib. Baş rolları Tobi Uolles, Tom Rassell, Aleks Şeperd və Vendi Rul canlandırıblar.