Dahi üçün reklam

Ceremi Plats adlı gənc rəssamlıq qabiliyyətinə güvənərək nüfuzlu incəsənət məktəbinin ən qabaqcıl tələbələrindən biri olacağına tam əmindir. O, bu təhsil ocağının ona dünya şöhrətinə gedən yolu açacağını düşünür. Lakin reallıq gəncin xəyallarından xeyli uzaq çıxır.

Məlum olur ki, burada əsl bacarıq və molbert qarşısındakı zəhmət deyil, özünü reklam etmək bacarığı yüksək qiymətləndirilir. Tələbələr qalmaqallı addımlar sayəsində daha tez nüfuz qazanırlar. İncəsənət mühitinin bu qaydasını anlayan Ceremi, Amerika art səhnəsində parlayıb məşhurlaşmaq üçün hiyləgər bir plan hazırlamağa başlayır.

«Art School Confidential» filmi 2005-ci ildə ABŞ-da çəkilib. Komediya və dram janrındakı layihənin rejissoru Terri Tsviqoffdur. Baş rolları Brendan Uolş, Mari L. Beyn, Bob Qolub və Maykl Lerner ifa ediblər.