Künc kabineti

Orson adlı dəqiq və tələbkar işçi iri bir korporasiyada fəaliyyətə başlayır. Yeni mühitə və həmkarlarına uyğunlaşmağa çalışan qəhrəman fasilələrin birində dəhlizdə, tualetin yanında qəribə bir qapı aşkar edir. Bu qapı zövqlə bəzədilmiş və bahalı mebellərlə təchiz olunmuş dəbdəbəli kabinetə açılır və Orson vaxtını tez-tez orada keçirməyə qərar verir.

Lakin bir müddət sonra anlaşılmazlıq yaranır. Ofisdəki digər əməkdaşlar və şöbə müdiri həmin hissədə heç vaxt otaq olmadığını iddia edirlər. Orson isə digərlərinin təəccübünə baxmayaraq, sirli məkana sığınmağa davam edir.

«Corner Office» komediya-dram filmini rejissor Yoahim Bak ərsəyə gətirib. ABŞ istehsalı olan layihə 2022-ci ildə işıq üzü görüb. Əsas rolları Mett Anderson, Denni Pudi, Ellison Rayli və Kristofer Heyerdal paylaşıblar.