Ana instinkti

Eliz və Selin uzun illərdir ən yaxın rəfiqələr kimi yaşayırlar. Hər iki ailə demək olar ki, bütün vaxtını bir yerdə keçirir, onların azyaşlı oğulları isə qardaş kimi bir-birinə bağlı böyüyür. Lakin uşaqlardan birinin qəfil ölümü bu sakit həyatı alt-üst edir.

Baş verən faciə qadınların münasibətlərindəki bağı tamamilə qırır. İllərlə davam edən səmimi dostluq ağır ittihamlarla əvəzlənir, keçmiş harmoniyanın yerini isə daimi şübhələr və inamsızlıq tutur.

«Ana instinkti» (Duelles) filmi 2018-ci ildə Fransa və Belçikanın birgə istehsalı ilə lentə alınıb. Triller və dram janrındakı ekran əsərinin quruluşçu rejissoru Olivye Mass-Depassdır. Əsas rollarda Loren Van Vetter, Jaki Druo, Arye Vortxalter və Dominik Ronqvo çəkiliblər.