Labrador

Stella və Oskar ucqar, küləkli bir adaya gəlirlər. Burada qızın atası Natan öz labrador iti ilə tənha bir həyat sürür. Stella hamilə olduğunu öyrənib sevinir, lakin Oskar gələcəklə bağlı tərəddüdlər içindədir.

Qonaqların gəlişindən sonra Natanın təhrikedici hərəkətləri vəziyyəti çətinləşdirir. Oskar ata ilə qız arasındakı qəribə münasibətlərdən narahatlıq duymağa başlayır və iki kişi arasındakı ziddiyyət qaçılmaz həddə çatır. Stella isə sevdiyi iki insan arasında qalır.

2011-ci ildə çəkilmiş Danimarka istehsalı olan «Labrador» dram filminin rejissoru Frederikke Aspökdür. Əsas obrazları Stefani Leon, Karsten Byornlunn, Yakob Eklund və Pepsi adlı it canlandırıb.