Bizim zəmanəmiz

Tanınmış şair Xuan və ingilis ədəbiyyatı müəllimi olan həyat yoldaşı Ester Meksikanın kənd yerində fəaliyyət göstərən rançonu idarə edirlər. Onlar burada döyüşkən öküzlər yetişdirməklə məşğuldurlar. Günlərin birində bura amerikalı at təlimçisi Fil gəlir və onların sakit günləri arxada qalır.

Yeni qonağın gəlişi ər-arvadın münasibətlərində mürəkkəb intellektual oyunların başlamasına təkan verir. Nəticədə ailə cütlüyü təsərrüfatda bəslədikləri heyvanlardan heç də geri qalmayan vəhşi ehtirasların və instinktlərin əsirinə çevrilir.

«Nuestro tiempo» dram filmi 2018-ci ildə rejissor Karlos Reyqadas tərəfindən çəkilib. Ekran əsəri Meksika, ABŞ, Fransa, Almaniya, Danimarka, Norveç, İsveç və İsveçrənin birgə istehsalıdır. Əsas rolları Nataliya Lopes, Xoakin del Paso, Yaqo Martines və Sara Manni canlandırıblar.