Ağacın altında

Həyat yoldaşı tərəfindən intim videolar izləyərkən yaxalanan Atli evdən qovulur və qızını görmək hüququndan məhrum edilir. Sığınacaq tapmaq üçün valideynlərinin yanına köçən gənc burada başqa bir problemin içinə düşür. Belə ki, valideynləri həyətlərin sərhədində bitən böyük ağaca görə qonşuları ilə kəskin mübahisə aparırlar.

Atli övladını görmək üçün mübarizə apardığı müddətdə qonşular arasındakı düşmənçilik daha da kəskinləşir. Əmlaka ciddi ziyan dəyir, ev heyvanları sirli şəkildə yoxa çıxır, hər tərəfə müşahidə kameraları quraşdırılır və hətta qonşulardan birinin əlində zəncirli mişarla dolaşdığı deyilir.

«Undir trénu» filmi 2017-ci ildə İslandiya, Danimarka, Almaniya, Fransa və Polşa kinematoqrafçılarının birgə istehsalı ilə lentə alınıb. Dram, triller və komediya janrlarını birləşdirən ekran işinin rejissoru Hafsteydn Qunnar Siqyurdssondur. Əsas obrazları Steyntour Roar Steyntoursson, Edda Byörqvinsdottir, Doura Youhannsdouttir və Lara Yohanna Yonsdottir canlandırıb.