Orange County

Şon Brumder serfinq edərkən sahildə təsadüfən məşhur yazıçı Markus Skinnerin romanını tapır. Stenford Universitetində dərs deyən müəllifin bu əsəri gəncə dərindən təsir edir və o, həyatını ədəbiyyata həsr etmək qərarına gəlir. Şonun əsas məqsədi sevimli yazıçısının rəhbərliyi altında oxumaq olur. Lakin məktəb rəhbərliyi sənədləri qarışdıraraq universitetə Şonun əvəzinə zəif oxuyan başqa bir şagirdin qiymətlərini göndərir.

Arzusu təhlükə altına düşən Şon sevgilisi Eşli və asılılıqdan əziyyət çəkən qardaşı ilə birlikdə bu yanlışı düzəltməyə çalışır. Məktəb rəhbərliyini inandırmaq cəhdləri ardıcıl uğursuzluqlarla nəticələnir. Qəbul müddətinin başa çatmasına cəmi bir gün qalmış gənclərin yeganə yolu qalır: maşına minib birbaşa Stenforda yollanmaq və vəziyyəti yerindəcə həll etmək.

ABŞ istehsalı olan «Orange County» filmi 2001-ci ildə ekranlara çıxıb. Rejissor Ceyk Kəzdanın çəkdiyi bu komediya dramında rolları Ceyn Adams, Mayk Uayt, Manu İntireymi və Lesli Mann canlandırıb.