Antixrist

Ər-arvad dəhşətli bir faciə ilə üzləşirlər: onlar bir yerdə olarkən iki yaşlı oğulları pəncərədən yıxılaraq həyatını itirir. Övladının ölümü ananı ağır psixoloji vəziyyətə salır və dərin günahkarlıq hissi onu məhv edir. Psixoterapevt olan əri həyat yoldaşına kömək etmək məqsədilə onu uzaq bir yerə aparmaq qərarına gəlir.

Onlar meşənin dərinliyində yerləşən köhnə daxmaya üz tuturlar. Lakin bu tənhalıq cütlüyə dinclik bəxş etmir, əksinə ətraflarında qəribə və müəmmalı rəmzlər peyda olmağa başlayır. Zaman keçdikcə onların birgə həyatına ağlasığmaz bir dəlilik və zorakılıq hakim kəsilir.

«Antixrist» adlı müəmmalı qorxu və dram filmi 2009-cu ildə rejissor Lars fon Trier tərəfindən çəkilib. Ekran işində əsas rolları Şarlotta Gensbur, Uillem Defo və Storm Akeke Salström paylaşıblar. Layihə Danimarka, Almaniya, Fransa, Polşa, İtaliya və İsveçin birgə istehsalıdır.