Summit Fever

Gənc alpinistlər Alp dağlarının ən təhlükəli aşırımlarından birinə qalxmaq qərarına gəlirlər. Bu zirvəni fəth etməyə çalışarkən bir çox insanın həyatını itirməsi belə onları bu təhlükəli yoldan döndərə bilmir. Onlar geri çəkilmək fikrində deyillər və sona qədər getmək istəyirlər.

Lakin yaxınlaşan güclü qar fırtınası onların bütün planlarını pozur. Təbiət hadisəsindən xəbərsiz olan macəra axtarışındakı gənclər dağda ölümcül təhlükə ilə üz-üzə qalırlar. Beləliklə, növbəti yüksəliş sərt iqlim şəraitinə qarşı amansız sağ qalma mübarizəsinə çevrilir.

Böyük Britaniya istehsalı olan «Summit Fever» dram filmi 2022-ci ildə işıq üzü görüb. Ekran əsərinin rejissoru Culian Cilbidir. Baş rolları Tomas Ankora, Nik Nevern, Nensi Teyt və Ceyk C. Menyano canlandırıblar.