Mavi səmanın arxasında

1975-ci ilin yayında Martin adlı gənc içki düşkünü olan atasından uzaqlaşmaq üçün mövsümlük iş axtarışına çıxır. Nəticədə o, Stokholm arxipelaqının mənzərəli təbiətində yerləşən elit yaxta klubunda iş tapır. Həmin yerdə Martin həm ilk sevgisi ilə qarşılaşır, həm də Josto adlı yaşlı bir pleyboyun himayəsi altına girir.

Lakin kurortdakı yeni həyat gözlənildiyi kimi sakit keçmir və gəncin düşdüyü mühit onu tədricən riskli hadisələrin içinə çəkir. Beləliklə, Martin İsveçin kriminal tarixində baş vermiş ən böyük qalmaqallardan birinin mərkəzində qalır.

2010-cu ildə çəkilmiş «Himlen är oskyldigt blå» dram filminin rejissoru Hannes Holmdur. Ekran əsərində əsas obrazları Amanda Ooms, Byörn Çyellman, Rasmus Troedsson və Leyf Andre canlandırıb.