Qadın mənbəyi

Yaxın Şərqlə Şimali Afrika arasında qalan kiçik və ucqar dağ kəndində illərdir dəyişməyən qaydalar hökm sürür. Yerli qadınlar qızmar günəş altında uca dağlara dırmaşaraq bulaqdan kəndə su daşımağa məcbur qalırlar. Bu ağır və yorucu zəhmət nəsillər boyu yalnız qadınların öhdəliyi hesab olunub.

Kəndə yeni gəlin köçmüş Leyla adlı gənc qadın əsrlər boyu davam edən bu ənənəyə qarşı çıxmağa qərar verir. O, digər kənd qadınlarını kişilər dağdan kəndə su xətti çəkənə qədər onlara yaxınlıq və nəvaziş göstərməməyə, birgə etiraz etməyə inandırır.

Komediya və dram janrında çəkilmiş «Qadın mənbəyi» filminin rejissoru Radu Mixaylyanudur. Fransa, İtaliya və Belçikanın ortaq istehsalı olan bu ekran əsəri 2011-ci ildə nümayiş olunub. Baş rollarda Afsiya Erzi, Bernard Morin, Saleh Bakri və Omar Azzuzi çəkiliblər.