To Leslie

İllər əvvəl lotereyada qazandığı böyük məbləğ tənha ana Leslinin həyatını xilas etmədi, əksinə pulların hamısı spirtli içkilərə və maddələrə xərcləndi. Bütün sərvətini itirən qadın cibində qəpiksiz halda Qərbi Texasdakı doğma yurduna üz tutur. Lakin orada onu mehriban qarşılamırlar: qohumları üz çevirir, köhnə tanışları isə onunla əlaqə saxlamaq istəmir.

Küçədə qalmaq təhlükəsi ilə üzləşən qadın iyirmi yaşlı oğlu Ceymsin yanına gedir. Yaxınlarının etimadını yenidən qazanmaq və ikinci şans əldə etmək üçün o, zərərli vərdişlərinə qalib gəlməlidir.

ABŞ istehsalı olan «To Leslie» dram filmi 2022-ci ildə ekranlara çıxıb. Ekran əsərinin rejissoru Maykl Morrisdir, baş rollarda isə Andrea Raysboro, Mak Brandt, Ceyms Hebert və Loren Leterer çəkiliblər.