Mətbəx

Nyu-Yorkun The Grill adlı məşhur restoranının qapalı mətbəxində əsasən sənədsiz miqrantlar çalışır. Aşpazlıq edən meksikalı Pedro burada həm yerini qorumağa çalışır, həm də amerikalı ofisiant Culiya ilə gizli münasibət saxlayır. Kassadan böyük məbləğdə pulun yoxa çıxması isə işçilər arasında ciddi gərginlik yaradır.

Əsas şübhələr tez qızışan Pedronun üzərinə yönəlir. Eyni zamanda Culiyanın gözlənilməz hamiləliyi və abort etmək fikri onların arasındakı ab-havanı daha da pisləşdirir. Qonaq axınının yaxınlaşdığı ən qaynar saatda həm şəxsi münasibətlər, həm də iş şəraiti böhrana çevrilir.

2024-cü il istehsalı olan «La cocina» filmi ABŞ və Meksika kinematoqrafçılarının birgə layihəsidir. Ekran əsərinin quruluşçu rejissoru Alonso Ruispalasiosdur, rollarda isə Anna Dias, Li R. Sellars, Ceyms Uoterston və Bernardu Velasku çıxış edir.