Qardaşımın sevgilisi

Cek qəfil ayrılığın acısı ilə kollecə oxumağa yola düşür, çünki sevgilisi Vayolet heç bir səbəb göstərmədən ondan ayrılıb. Bu arada onun kiçik qardaşı Oliver başqa bir qıza aşiq olub və arzuladığı həmin xanımın diqqətini cəlb etmək üçün bütün gücünü toplayır.

Ailənin sevimli yaşlı iti Stella üçün təşkil edilən məclis Cekin yenidən doğma evinə qayıtmasına səbəb olur. Evdə qardaşı ilə görüşən gənc oğlan Oliverin aşiq olduğu həmin qızın əslində onu tərk edən Vayolet olduğunu öyrənir.

«Stella's Last Weekend» dram komediyası rejissor Polli Dreyper tərəfindən lentə alınıb və o, həm də əsas rollardan birini canlandırıb. ABŞ istehsalı olan bu 2018-ci il filmində Kris Helladey, Polina Singer və Patrisiya Skvayr da çəkiliblər.