Təhlükəli pasiyent

Növbəni bitirmək üzrə olan təcili yardım həkimləri İzabel və Adamo qəfil çağırış alırlar. Şəhər məktəblərinin birində partlayış törədilib və briqada dərhal terror aktının baş verdiyi ünvana yollanır. Həkimlər hadisə yerindən Eden adlı yaralı yeniyetməni götürərək xəstəxanaya çatdırmaq üçün hərəkətə keçirlər.

Yolda ilkin tibbi yardım göstərən İzabel gəncin bədənində partlayıcı kəmər olduğunu görür. Əlində detonator tutan yaralı pasiyent tibb işçilərini təhdid edərək maşını onun istədiyi istiqamətdə sürməyi əmr edir. Həkimlər qapalı tibbi maşında girov qalır, nəqliyyat vasitəsi isə şəhərin təhlükəsizliyi üçün təhdidə çevrilir.

İtaliya və Belçikanın birgə istehsalı olan dram janrlı «The Shift» filmi 2020-ci ildə işıq üzü görüb. Rejissor Alessandro Tondanın çəkdiyi layihədə baş rolları Mustafa Benkerrum, Adamo Dionizi, Camel Barek və Yan Hammeneker canlandırırlar.