C'est mon homme

Birinci Dünya Müharibəsindən sonra minlərlə əsgər itkin düşsə də, Jüli ərinin sağ olduğuna inanmaqda davam edir. Üç il keçdikdən sonra o, qəzet səhifəsində yaddaşını itirmiş bir səfilin fotosunu görür. Həmin şəxsin əri olduğuna inanan qadın onu taparaq keçmiş hisslərini yenidən oyatmağa çalışır.

Jülinin səyləri nəticə verir və onların arasında doğmalıq hissi tədricən bərpa olunur. Lakin günlərin birində başqa bir qadın ortaya çıxır. O da həmin kişinin məhz onun həyat yoldaşı olduğunu iddia edərək vəziyyəti çətinləşdirir.

2022-ci il istehsalı olan «C'est mon homme» tarixi dram filmi Fransa və Belçika kinematoqrafçılarının birgə işidir. Rejissor Qiyom Büranın çəkdiyi ekran əsərində baş rolları Luiza Burquen, Kərim Leklu, Jan-Şarl Klişe və Yohan Levi canlandırıb.