Zəhər

Lukas və Edit on il davam edən ayrılıqdan sonra yeganə övladları Ceykobun dəfn olunduğu məzarlıqda üz-üzə gəlirlər. Görüşün səbəbi torpağa toksik maddələrin sızması ucbatından uşağın məzarının başqa yerə köçürülməsi zərurətidir. Hər ikisi qəbiristanlıq nəzarətçisi ilə danışmaq istəsə də, o gəlib çıxmır.

Ötən illər ərzində hər iki qəhrəmanın taleyi tamam fərqli istiqamət alıb. Lukas yenidən ailə qurub, yeni həyat yoldaşı hamilədir və o, oğlunun itkisi haqqında kitab qələmə alır. Edit isə toparlanmaq üçün çox çalışsa da, uşağının vəfatından sonra düşdüyü kədərdən xilas ola bilməyib.

2024-cü ildə təqdim edilən «Poison» dram filmi Böyük Britaniya, Niderland və Lüksemburqun birgə istehsalıdır. Ekran əsərinin rejissoru Dezire Nosbuşdur, baş rolları isə Tim Rot və Trine Dürholm canlandırır.