Sanam Teri Kasam

Kitabxanada çalışan sadə və təvazökar Sarasvati şəxsi həyatında ardıcıl uğursuzluqlarla üzləşir. Valideynlərinin tapdığı bütün namizədlər gənc qızın xarici görkəmini bəyənməyərək evlilik təkliflərini rədd edir. Bu vəziyyət kiçik bacısı Kaverinin də həyatını çətinləşdirir, çünki böyük bacı ərə getməyənə qədər adət-ənənələr onun sevdiyi şəxslə ailə qurub ABŞ-a köçməsinə imkan vermir.

Ailəsinin daimi qınaqlarından təngə gələn Sarasvati vəziyyəti dəyişmək üçün addım atmağa qərar verir. O, əvvəllər ünsiyyətdən qaçan qonşusu İnderdən yardım istəyir. Gəncin uzun tərəddüdlərdən sonra razılaşması ilə Sarasvati gizlicə sevdiyi həmkarı Abhimanyunun diqqətini çəkmək məqsədilə xarici görkəmini dəyişməyə başlayır.

Hindistan istehsalı olan «Sanam Teri Kasam» musiqili dram filmi 2016-cı ildə ekranlara çıxıb. Radhika Rao və Vinay Saprunun lentə aldığı ekran əsərində baş rolları Harshvardhan Rane, Mawra Hocane, Vijay Raaz və Murli Sharma canlandırıb.