Ada

İkinci Dünya müharibəsi illərində kömür daşıyan barj alman patrul gəmisi tərəfindən saxlanılır. Canını qurtarmaq istəyən gənc Anatoli düşmənin tələbi ilə böyük yoldaşı Tixonu güllələyir. Faşistlər minalanmış barjanı tərk etsələr də, yaxınlıqdakı adada yerləşən monastırın rahibləri sağ qalan gənci xilas edirlər.

İllər keçir və Anatoli həmin monastırda yaşamağa davam edir. Bura gələn insanlar ona möcüzəvi kömək göstərən müqəddəs bir qoca kimi baxırlar, lakin keçmişdə törətdiyi qətl günahı Anatoliyə heç cür rahatlıq vermir. Ömrünün son günlərini hiss edən qoca ölümə hazırlaşaraq bağışlanacağı anı gözləyir.

«Ada» dram filmi rejissor Pavel Lunqin tərəfindən çəkilib. 2006-cı il Rusiya istehsalı olan bu ekran əsərində baş rolu Pyotr Mamonov ifa edib, digər rollarda Viktor Suxorukov, Dmitri Düjev və Yuri Kuznetsov yer alıb.