İntihar otağı. Heyter

Varşava Universitetinin hüquq fakültəsində oxuyan Tomek plagiat üstündə təhsildən xaric edilir. Başına gələnləri gizlədən gənc uşaqlıq rəfiqəsi Qabinin valideynləri olan Krasutski ailəsindən maddi yardım almağa davam edir. Yalanın üstü açılanda isə himayədarlarının etibarını itirir və gizlincə sevdiyi Qabi tərəfindən rədd edilir.

Hirs və peşmanlıq içində qalan Tomek ona arxa çevirən ailədən qisas almaq qərarına gəlir. Bir PR agentliyində iş tapan gəncin əlinə qabaqcıl rəqəmsal texnologiyalar və şəhər elitasının sirləri keçir. Yeni imkanlarından istifadə edən Tomek merliyə namizəd Pavel Rudnitskinin siyasi kampaniyasında fəal iştirak edən Krasutskiləri addım-addım izləməyə başlayır.

«İntihar otağı. Heyter» adlı 2020-ci il Polşa istehsalı olan dram və triller filminin rejissoru Yan Komasadır. Ekran əsərində baş rolları Filipp Şovin, Natalia Jesionowska, Iga Krefft və Rozalia Mierzicka canlandırıblar.