Sillunu Oru Kaadhal

Kundavinin ailə həyatı böyük bir eşqlə başlamamışdı. Lakin aradan keçən illər ər-arvad arasında səmimi və möhkəm hisslərin yaranmasına səbəb oldu. Bir gün qadının təsadüfən tapdığı köhnə gündəlik bu ailənin sakit axarını dəyişir.

Gündəlikdəki qeydlərdən bəlli olur ki, əri tələbəlik dövründə başqa bir qadını həyatını riskə atacaq qədər çox sevib. Kundavi ilə evlənməsinin yeganə səbəbi isə əmisinin son arzusunu yerinə yetirmək olub. İllər sonra üzə çıxan bu sirr qadını həyat yoldaşının gerçək duyğularını anlamaq məcburiyyətində qoyur.

2006-cı ildə ekranlara çıxan «Sillunu Oru Kaadhal» melodram filminin quruluşçu rejissoru N. Krişnadır. Hindistan istehsalı olan layihədə əsas rolları Surya Sivakumar, Cotika, Bhumika Çavla və Şriya Şarma paylaşıblar.