Naməlum kod

Jan böyük qardaşı Jorjun yanına, Parisə gəlir. Hərbi fotomüxbir işləyən Jorj isə növbəti münaqişə zonasına yola düşüb və evdə yoxdur. Jan yalnız qardaşının sevgilisi, aktrisa Ann ilə görüşə bilir. Jorjun uzunmüddətli səfərlərindən yorulan Ann hamiləliyinə son qoymaq qərarına gəlib. Qapının yeni kodunu öyrənə bilməyən Jan əsəbi halda küçəyə çıxır.

Şəhər küçəsində Janın başlatdığı mübahisə bir-birini tanımayan insanların taleyini alt-üst edir. Münaqişəyə afrikalı Amadu və Rumıniyadan gəlmiş qeyri-qanuni miqrant Mariya da qoşulur. Hadisə yerinə gələn polis əməkdaşları Amadunu həbs edir, Mariyanı isə ölkədən deportasiya edirlər.

«Naməlum kod» dram filmi 2000-ci ildə Fransa, Almaniya və Rumıniyanın birgə istehsalı ilə çəkilib. Ekran əsərinin rejissoru Mixael Hanekedir. Əsas obrazları Didye Flaman, Tyerri Növik, Yozef Birbixler və Aleksandr Hamidi canlandırıblar.