Lockdown

Üzgüçülük üzrə regional yarışda qalib gələn Everi uğurlu idman karyerası qurmağı planlaşdırırdı. Lakin gələcəyə dair bütün ümidlər gözlənilmədən puç olur. O, dostları Kaşmir və Dre ilə birlikdə törətmədikləri bir cinayətdə təqsirləndirilərək həbsxanaya göndərilir.

Qəfildən dəmir barmaqlıqlar arxasına düşən gənclərin qarşısında yalnız bir məqsəd qalır: sağ qalmaq. Yeni mühitdə hər kəs fərqli çıxış yolu seçmək məcburiyyətindədir. Biri qruplaşmalara qoşulmağa cəhd edir, digəri problemlərdən uzaq durmağa çalışır, başqa biri isə cəza müddətinin sonuna qədər təzyiqlərə və zorakılığa dözməyə üstünlük verir.

ABŞ istehsalı olan «Lockdown» filmi 2000-ci ildə rejissor Con Lyusenhop tərəfindən çəkilib. Dram və triller janrında olan ekran əsərində baş rolları Melissa De Suza, Anna Mariya Horsford, Klifton Pauell və Kortni MakLin canlandırıb.