Məni başa düş, bacarsan

Aria zövqlə geyinməyi bacaran və dostluğa dəyər verən yeniyetmə qızdır, lakin o, özünü tamamilə tənha hiss edir. Məşhur valideynləri qalmaqallı şəkildə boşanır, ögey bacıları onunla maraqlanmır, sinif yoldaşları isə paxıllıq edərək ona qarşı hiylələr qurur.

Doğmalarından qayğı görməyən qəhrəmanın yeganə sirdaşı sevimli qara pişiyi olur. O, dördayaqlı dostunu da yanına alaraq İtaliya küçələrində təkbaşına gəzməyə başlayır.

«Incompresa» dram filmi rejissor Azia Arcento tərəfindən çəkilib. Fransa və İtaliyanın birgə istehsalı olan bu ekran əsəri 2014-cü ildə işıq üzü görüb, əsas rollarda isə Culiya Salerno və Maks Qazze çəkiliblər.