Ayrılmazım

Mona inkişaf xüsusiyyətləri olan otuz yaşlı oğlu Joel ilə kiçik bir mənzildə yaşayır. Gənc oğlan ixtisaslaşmış müəssisədə çalışır və iş yoldaşı Oseanaya olan güclü hisslərini anasından gizli saxlayır.

Qızın hamilə olduğu üzə çıxanda ailə gözlənilməz sınaqla üzləşir. Uşağı dünyaya gətirmək və onu böyütmək məsələsi fikir ayrılığı yaradaraq ana ilə oğul arasındakı münasibətləri gərginləşdirir.

«Mon inséparable» adlı fransız dram filmi 2024-cü ildə rejissor Anna-Sofi Bayi tərəfindən çəkilib. Əsas rolları Emi Vanye, Şarl Peççia, Jüli Froje və Jan de Panj canlandırıblar.